ഒരിക്കല്‍ നീരാടി നിറഞ്ഞ കുളത്തിനരികിലിരുന്ന്
കാര്‍ക്കിച്ചു തുപ്പി പരല്‍മീനുകള്‍ക്കായവള്‍
തുള്ളിച്ചാടി കൊത്തിയെടുത്തകത്താക്കി ചെറുപരലുകള്‍
മുങ്ങി മറഞ്ഞതാസ്വദിക്കാന്‍ പിന്നെയും തുപ്പി
കൂട്ടമായെത്തിയ ചെറു നെറ്റിമാന്‍ മിന്നികള്‍
ഞെട്ടറുത്ത ചെറു ചേമ്പിലക്കുമ്പിളില്‍
ഞെട്ടിവിറച്ച് തുള്ളി പ്പോകാതിരിക്കാന്‍
കുമ്പിളിന്‍ വായ്മുഖം കൂട്ടിപ്പിടിച്ചു നടക്കവെ
കാര്‍കൂന്തലില്‍ കൊളുത്തിയ ചൂണ്ടക്കൈകളില്‍
കുരുങ്ങി തുള്ളിച്ചാടി കിതച്ചവള്‍
വായ്മുഖം പൊത്തിപ്പിടിച്ചെടുത്തോടി മറഞ്ഞപ്പോള്‍
കൈവിട്ട് പോയ ചേമ്പിലക്കുമ്പിളില്‍
പിടഞ്ഞ് മരിച്ച പരലിന്ന് തുല്യമായവള്‍..!!
